Monday, December 13, 2010
අළු..
ජීවිතය අහම්බයන්ගෙන් පිරිලා.. පහුගිය අවුරුද්දක කාලය ඇතුළත මගේ ජීවිතය මුළුමනින්ම වෙනස් වෙලා.. අහම්බයන් ගොඩක් මගේ ජීවිතේට මටත් හොරෙන් ඇවිත්.. කිසිම දෙයක් මම බලාපොරොත්තු වුණේ නෑ. ඒත් ඒ දේවල් මාව හොයාගෙන ඇවිත් මගේම ජීවිතේ බවට පත්වෙලා. මම මගේ ජීවිතයේ වැඩියෙන්ම ආඩම්බර වුණු, වැඩියෙන්ම ආදරය කරපු, වැඩියෙන්ම හිනහ වුණු, වැඩියෙන්ම දුක් වුණු අවුරුද්ද මේක.. කාටවත් මේ වගේ එකිනෙකට වෙනස් හැගීම් ගොඩක් එක මොහොතේම දරාගෙන ඉන්න පුළුවන් කියල මේ අවුරුද්ද ගතවෙනකල්ම මම දැනගෙන හිටියේ නෑ. ඒත් මේ අවුරුද්ද මගේ ජීවිතේට ලොකු පන්නරයක් වුණා. ජීවිතේ මෙතෙක් කල් හදුනගෙන නොහිටපු ගොඩක් දේ මට මුහුණටම මුණ ගැහුණා. මේ ලෝකේ විවිධාකාර මිනිස්සු ඉන්න බව පළවෙනි වතාවට මම වටහ ගත්තා. ලෝකෙ මම හිතපු තරම් ලස්සන නෑ. මිනිස්සු මම හිතපු තරම් අහිංසක නෑ. ඒත් ලෝකෙ නරක මිනිස්සු කියල අය නෑ, හොඳ මිනිස්සුත් නෑ. හැමෝම සාමාන්යයි. මෙතෙක් කල් මම ලෝකෙ දැක්කේ සුදු පාටින්.. එහෙමත් නැත්තම් කළු පාටින්.. ඒත් ලෝකෙ කිසිම දෙයක් කලුවත්, සුදුවත් නෑ. මේ ලෝකෙ අළු පාටයි.. ජීවිතේ අළු පාටයි.. හැමදෙයක්ම අළු පාටයි..
Subscribe to:
Post Comments (Atom)
No comments:
Post a Comment